Azərbaycan Gənclər Fondunun dəstəyi və “Gənc Könüllülər” İctimai Birliyinin təşkilatçılığı ilə keçirilən “VolİnnovatiON” layihəsi çərçivəsində könüllülər "INNOLAND" İnkubasiya və Akselerasiya Mərkəzində olublar.

Layihə çərçivəsində gənc könüllülərə "INNOLAND" İnkubasiya və Akselerasiya mərkəzi tərəfindən “İdeya generasiyası. Məqsədlər və sərhədlər” mövzusunda təlim keçirilib. Təlimdə iştirakçılara "İdeya nədir?", "İnnovativ ideya", "Korporativ innovasiya sistemi necə işləyir?" mövzuları ilə bağlı məlumat verilib.

Daha sonra iştirakçılar onlara innovativ düşünməyə və biliklərini artırmağa kömək edəcək strukturlaşdırılmış üsul olan "SCAMPER" əsasında vörkşopda iştirak ediblər.

"INNOLAND İnkubasiya və Akselerasiya Mərkəzi", Azərbaycan Dövlət İqtisad Universiteti və “Next Step” İnnovasiya Mərkəzinin birgə təşkilatçılığı ilə keçirilən “EduHack Baku” hakatonu başa çatıb. Ölkədə ilk dəfə təhsil sahəsində keçirilən hakatonun əsas məqsədi distant təhsildə qarşıya çıxan problemlərə innovativ şəkildə həll yolları tapmaq olub.

Yarışda Azərbaycanla yanaşı ABŞ, Kanada, Birləşmiş Krallıq, Türkiyə, Ukrayna, Niderland, Macarıstan, Estoniya, Polşa, Latviya və İsrailin nüfuzlu universitetlərində təhsil alan və məzun olan gənclər də iştirak edib.

Hakaton zamanı formalaşan 18 komanda 3 gün ərzində öz təşəbbüsləri üzərində işləyiblər. Bu müddət ərzində iştirakçılar təhsil və innovasiya sektorundan olan mentorların dəstəyi ilə ideyalarını layihə şəklinə gətiriblər.

Mükafat fondu 6000 AZN olan hakaton yarışmasında “FastLearners” layihəsi 1-ci yerə və 3000 AZN mükafata, “Academy Azerbaijan” layihəsi 2-ci yerə və 2000 AZN mükafata, “Z-solutions” layihəsi isə 3-cü yerə və 1000 AZN mükafata layiq görülüb. 
 

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzinin rezidenti “Uvodo” 500 000 manat dəyərində investisiya cəlb edib.

“Uvodo”nun toxumöncəsi investisiya raunduna "Xəzər Vençur" mələk investorları rəhbərlik ediblər. Ümumilikdə investisiyada Azərbaycan MBA Klub İnvestorları və həmtəsisçilər iştirak edib və raund ümumi yarım milyon manat (300.000 ABŞ dolları) dəyərində bağlanıb.

“Uvodo” rəqəmsal agentliklər və e-ticarət mühəndisləri üçün nəzərdə tutulan, onların iş prosesini və proqramlaşdırma sürətini artıran e-ticarət qurma platformasıdır. Layihəyə fərdiləşdirmə, məlumatın 3-cü tərəf servislərlə paylaşılması, olduqca yüksək xərc tələb edən texniki dəstək və optimallaşdırma ilə bağlı məhdudiyyətlər daxildir.

Startapın məqsədi proqram mühəndislərinə pərakəndə satışın e-ticarətə keçid prosesini sürətləndirməyə kömək etmək və “Uvodo”nu e-ticarət qurma platformaları arasında mühəndislərin ilk seçiminə çevirməkdir.

Hazırda komandanın diqqəti "Beta" mərhələsindən "Alfa" mərhələsinə qədər məhsulun inkişafını sürətləndirməkdir. Komanda startapa cəlb edilən investisiya ilə “Uvodo”nun əsas funksiyalarını təkmilləşdirəcək və müştərilərinin bilavasitə onlardan tələb etdiyi e-ticarət biznesləri üçün vacib olan beynəlxalq ödəniş həlləri, göndərmə xidmətləri və konversiya alətləri və s. kimi xüsusiyyətləri inkişaf etdirəcək.

“Uvodo” “Nextsale” startapını yaradan və müvəffəqiyyətlə satan təsisçilərin növbəti layihəsidir. “INNOLAND”in məzun rezidenti olan “Nextsale”, e-ticarət mağazaları üçün veb-sayt ziyarətçilərini real müştəriyə çevirən optimallaşdırma proqramıdır. Startapın bütün hissələri Boston mərkəzli “Silversmith Capital Partners” şirkəti tərəfindən satın alınıb.