Xəbərlər

innoland news image

"INNOLAND"in rezidenti koronavirusla bağlı çatbot yaradıb

"INNOLAND" İnkubasiya və Akselerasiya Mərkəzinin rezidenti  "Botbox"​ tərəfindən regionda ilk dəfə doğma dilimizdə "COVID-19" ilə bağlı çatbot "WhatsApp" və "Facebook Messenger​" üzərindən istifadəyə verilib.

Çatbot 24/7 rejimində insan müdaxiləsinə ehtiyac olmadan vətəndaşlarımızı dünyada və ölkədə koronavirusla bağlı olan statistik məlumatlarla real zamanda tanış edir. Bu məlumatlar rəsmi qaynaqlardan APİ-lər vasitəsi ilə toplanır, WhatsApp və ya Facebook bildirişi şəklində təqdim olunur.

Həmçinin, Botbox çatbotu pandemiyadan qorunmaq üçün gündəlik diqqət olunması vacib sayılan məsləhətləri, məsafədən effektiv çalışmaq üçün faydalı olacaq internet resurslar haqqında məlumatları da əhalinin şəxsi və iş məqsədi ilə ən çox istifadə etdiyi iki tətbiq üzərindən onlarla bölüşür.

Qeyd edək ki, mesajlaşma və sosial şəbəkə tətbiqləri həyatımıza ən çox nüfüz edən rəqəmsal platformalar olduğundan, məhz bu tətbiqlər üzərindən böyük kütlə ilə kommunikasiya qurmaq çox effektiv sayılır. Buna görə də Dünya Səhiyyə Təşkilatı və Facebook tərəfindən birgə hazırlanmış COVID-19 ingilisdilli çatbotu bir neçə gün ərzində miliyonlarla insan tərəfindən istifadə edilib. 

Azərbaycan da regionun ən sürətli rəqəmsallaşan iqtisadiyyatlarından birinə sahib olan ölkə kimi innovativ texnologiyaların sosial və biznes yönümlü faydalarından yararlanmağı hər zaman aktual saxlamışdır.

Təsadüfi deyil ki, bu çatbotu ərsəyə gətirən ​Botbox startapı Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya mərkəzinin rezidentidir.

COVID-19 WhatsApp botu ​| ​Messenger botu üçün kliklə

 

Ətraflı oxu
innoland news image

“INNOLAND”də virtual tədbir keçirilib

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzində keçirilən "GIC Innovation Akselerasiya (iX) Proqramı" təlimləri başa çatıb.

18 mart tarixində proqram iştirakçılarının proqram ərzində əldə etdikləri bilikləri tətbiq edərək ərsəyə gətirdikləri startapların təqdimatı baş tutub.
Təqdimat Azərbaycan Respublikası Nazirlər Kabineti yanında operativ qərargahın və Ümumdünya Səhiyyə Təşkilatının məsləhətlərinə uyğun olaraq koronavirus səbəbi ilə virtual qaydada həyata keçirilib. Belə ki, təqdimatçılar ərsəyə gətirdikləri startapları onlayn olaraq Azərbaycan və Amerikadan tədbirə qoşulmuş münsiflər heyətinə təqdim ediblər.

Stanford Universitetinin təcrübəli mütəxəssisləri tərəfindən tədris olunan 8 həftəlik proqramda tələbələr, təşəbbüskarlar, orta və böyük şirkət rəhbərləri iştirak ediblər. Təlimlərdə Silikon Vadisinin təcrübəsi ilə yanaşı yerli mövzulara uyğun mentorluq və dünya səviyyəli vörkşopların təcrübələrindən də istifadə edilib.

"GIC Innovation Akselerasiya (iX) Proqramı" Stanford Universitetinin "İdeyadan biznesə professional inkişaf" kurikulumu əsasında keçirilən 8 həftəlik proqramdır. Bu unikal proqram startaplarda, şirkətlərdə və dövlət orqanlarında məhsul və biznesin inkişafı üçün innovativ düşüncə formalaşdırır, yerli ekosistemin inkişafı üçün qlobal resurslara çıxışı təmin edir.

Ətraflı oxu
innoland news image

"INNOLAND"də növbəti Fun Baku tədbiri baş tutacaq

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzində Fun Baku tədbiri baş tutacaq.

Tədbir zamanı "Whelp" layihəsinin təsisçisi Seymur Rəsulov, E-ticarət mütəxəssisi Nicat Manafov və təşəbbüskar Asif İbrahimov iş həyatlarında baş verən uğursuzluqlarından danışacaqlar.

Biletləri əldə etmək üçün: https://funbakunovruz.ticketsetup.com/az

Ətraflı oxu
innoland news image

"INNOLAND"də kibertəhlükəsizlik mövzusunda görüş keçirilib

Kibertəhlükəsizlik həftəsi çərçivəsində kiber startapların təşviqi məqsədi ilə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzində Nəqliyyat, Rabitə və Yüksək Texnologiyalar Nazirliyinin təşəbbüsü ilə Kibertech startapçıları və kibertəhlükəsizlik üzrə ekspertlər ilə görüş keçirilib.

Görüş zamanı spiker qismində çıxış edən Guy Zbarsky, Toğrul Səmədov və Rəşad Əliyev kiber startapların qurulması və kibertəhlükəsizlik tədbirlərinin düzgün şəkildə həyata keçirilməsi haqqında ətraflı məlumat veriblər.

Ətraflı oxu
innoland news image

"INNOLAND"də kibertəhlükəsizlik mövzusunda görüş keçiriləcək

Kibertəhlükəsizlik həftəsi çərçivəsində kiber startapların təşviqi məqsədi ilə "INNOLAND" İnkubasiya və Akselerasiya Mərkəzində Nəqliyyat, Rabitə və Yüksək Texnologiyalar Nazirliyinin təşəbbüsü ilə Kibertech startapçıları və kibertəhlükəsizlik üzrə ekspertlər ilə görüş keçiriləcək. 

3 mart saat 16:00-da baş tutacaq görüşdə spiker qismində Guy Zbarsky, Toğrul Səmədov, Rəşad Əliyev və Rauf Quliyev çıxış edəcək.

Ətraflı oxu
innoland news image

“INNOLAND”də "Süni intellekt və əhəmiyyəti" mövzusunda görüş baş tutub

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzində "Süni intellekt və əhəmiyyəti" mövzusunda görüş baş tutub. Görüş “ATL Tech”in #Expertech tədbiri daxilində keçirilib.

Elektron Hökümətin İnkişafı Mərkəzinin direktoru Fariz Cəfərov və "ATL Tech" şirkətinin rəhbəri Vurğun Hacıyev süni intellekt, onun imkanları, əhəmiyyəti və gələcəyə təsirindən danışıblar.

Ətraflı oxu
innoland news image

"Süni intellekt və əhəmiyyəti" mövzusunda görüş baş tutacaq

“INNOLAND”də "Süni intellekt və əhəmiyyəti" mövzusunda görüş baş tutacaq

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzində "Süni intellekt və əhəmiyyəti" mövzusunda görüş baş tutacaq. Görüş “ATL Tech”in #Expertech tədbiri daxilində keçiriləcək. Spiker qismində Elektron Hökümətin İnkişafı Mərkəzinin direktoru Fariz Cəfərov və "ATL Tech" şirkətinin rəhbəri Vurğun Hacıyev çıxış edəcəklər.

Tədbir 27 fevral saat 19.00-da başlayacaq.

Tədbirə qatılmaq üçün: https://www.facebook.com/events/127654298623758

Ətraflı oxu
innoland news image

ABŞ-da Azərbaycan İnnovasiyalar Evinin açılış mərasimi və ˝Tech Diaspora˝nın birinci forumu keçirilib

20 fevral 2020-ci il tarixində Amerika Birləşmiş Ştatlarının (ABŞ) Silikon Vadisində Azərbaycan İnnovasiyalar Evinin açılış mərasimi keçirilib. Azərbaycan İnnovasiyalar Evi Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzi tərəfindən yaradılıb.

Stanford Universitetində baş tutan tədbirdə Silikon Vadisi və yaxın ərazidə yaşayan, innovasiya və yüksək texnologiyalar sahəsində fəaliyyət göstərən 100-ə yaxın azərbaycanlı iştirak edib.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədr müavini Ceyhun Salmanov Azərbaycan İnnovasiyalar Evinin açılmasının ölkəmizdə innovasiyalar sahəsində həyata keçirilən işlərin məntiqi davamı olduğunu vurğulayıb. Diqqətə çatdırılıb ki, Silikon Vadisi ilə ölkəmiz arasında bir körpü rolunu oynayacaq mərkəz burada yaşayan azərbaycanlılar tərəfindən yaradılan startapları bir araya gətirəcək. Eyni zamanda ölkəmizdəki startapçıların Silikon Vadisinə gəlmələrinə, təcrübə qazanmalarına və öz startaplarını inkişaf etdirmələrinə dəstək göstərəcək.

Mərasimdə şirkət nümayəndələri, startapçılar və Standford Universitetinin professorları da çıxış edərək layihənin əhəmiyyəti haqqında danışıblar.Həmçinin “Azərbaycan İnnovasiyalar Evinin Azərbaycan innovasiya ekosisteminə töhfəsi”,  ““ASAN xidmət” və onun innovasiya ekosistemindəki rolu”, “Regiondakı ekosistem göstəriciləri” və digər mövzular müzakirə olunub.

Tədbir çərçivəsində bir müddət öncə xaricdə yaşayan həmyerlilərimizin təşəbbüsü  və ˝INNOLAND˝ın dəstəyi ilə yaradılan ˝Tech Diaspora˝nın birinci forumu da keçirilib.

 ˝Tech Diaspora˝nın yaradılmasının əsas hədəfləri Azərbaycanda startap ekosisteminin inkişafı, dünyanın müxtəlif ölkələrində yaşayan azərbaycanlı startap ekosistem oyunçularının, innovativ texnologiyalar sahəsində fəaliyyət göstərən azərbaycanlıların ölkəmiz ilə əlaqələrinin daha da möhkəmləndirilməsi, onlar arasında əlaqələrin və birgə fəaliyyətin təmin olunmasıdır.

Diasporaların fəaliyyəti, eləcə də innovativ texnologiyalar sahəsində olan trendləri daim yaxından izləməyə və texnologiyaların Azərbaycanda da tətbiqinə təkan verəcək. Yerli startapçıların ölkəmizin hüdudlarından kənarda yaşayan azərbaycanlı startapçılarla əlaqələndirilməsi yerli startapların qlobal bazara çıxış imkanlarını da artıracaq.

Azərbaycan İnnovasiyalar Evi SOCAR-ın maliyyə dəstəyi ilə yaradılıb.

Tədbir maraqlı müzakirələr və axşam ziyafəti ilə davam etdirilib.

Ətraflı oxu
innoland news image

“Hackathon” Şamaxı uğurla başa çatdı!

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzinin təşkilatçılığı ilə Şamaxıda “Hackathon” uğurla başa çatıb.

Tədbirin ilk günündə iştirakçılar “Startap nədir?”,  “Startap ideyasını necə formalaşdırmaq olar?”,  “Bazar araşdırması”, “Təqdimat bacarıqları” kimi əsas təşəbbüskarlıq anlayışları ilə tanış ediliblər.  

Növbəti gün iştirakçılar komandalara bölünərək onlara həvalə edilmiş layihələr üzrə “Hackathon” zamanı əldə etdikləri bilikləri tətbiq etməyə çalışıblar.

Münsiflər heyətinin qarşısında öz layihələrini təqdim edən 5 komandadan “İqor” komandası ən yüksək bal toplayaraq qalib olub.

Sonda qalib komandalar Şamaxı "ASAN xidmət"də yerləşən “INNOLAND” İnkubasiya və Akselerasiya Mərkəzində 6 aylıq inkubasiya proqramı keçmək haqqı qazanıblar. Bununla yanaşı qalib komandaların təsisçiləri 2020-ci ildə Türkiyədə keçiriləcək “Startup Turkey” tədbirinə qatılmaq şansı əldə ediblər.

Şamaxı şəhərində “Hackathon”un keçirilməsində məqsəd region gəncləri arasında startapların təşviqi, mövcud ideyaların dəstəklənməsidir.

Ətraflı oxu