Azərbaycanda növbəti "Global Game Jam" keçiriləcək
26 Yanvar, 2020

Azərbaycanda növbəti "Global Game Jam" keçiriləcək

31 yanvar – 2 fevral tarixlərinlərində eyni anda 860 fərqli məkan və 113 ölkədə keçiriləcək Global Game Jam Azərbaycanda da baş tutacaq. Tədbirin əsas məqsədi Azərbaycandakı oyun qurucuları cəmiyyətini yaradaraq inkişaf etdirmək və dünyayla birləşdirməkdir.

48 saat davam edəcək tədbirdə iştrakçılar tərəfindən eyni mövzuya aid fərqli oyunlar hazırlanacaq. Müsabiqə mövzusu bütün dünyada eyni vaxtda elan olunacaq. Bütün iştirakçılar dəyərli hədiyyələr və sərhədsiz təcrübə əldə edəcəklər.

Tədbirin əsas tərəfdaşları "INNOLAND" İnkubasiya və Akselerasiya Mərkəzi, Nəqliyyat, Rabitə və Yüksək Texnologiyalar Nazirliyi, Azərbaycan Respublikası Mədəniyyət Nazirliyi, SUP.VC, Nextstep Innovasiya Mərkəzi, World Net Summit və Vriendly'dir.

İştirak ödənişsizdir!

Qeydiyyat linki: https://bit.ly/2TIDgbp

Ətraflı oxu

Digər xəbərlər

innoland news image

Dövlət Agentliyinin sədri inkubasiya və akselerasiya mərkəzlərinin rəhbərləri ilə görüşüb

17 fevral 2021-ci il tarixində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzində  “İnnovasiya ekosistemi toplantısı”  keçirilib.
 
Tədbirdə Dövlət Agentliyinin sədri Ülvi Mehdiyev, həmçinin innovasiyalar sahəsində aktiv fəaliyyət göstərən 11 müxtəlif inkubasiya və akselerasiya mərkəzinin rəhbərləri iştirak ediblər.
 
Dövlət Agentliyinin sədri  innovasiyalar sahəsində ölkə rəhbərliyinin tapşırığı ilə aidiyyatı qurumlar tərəfindən əhəmiyyətli işlərin görüldüyünü bildirib. Görüş iştirakçılarının diqqətinə çatdırılıb ki, Dövlət Agentliyi tərəfindən öz səlahiyyətlərinə uyğun olaraq dövlət xidmətləri, rəqəmsal hökumət və sosial sahədə bir sıra innovasiyalar tətbiq edilib. Bildirilib ki, ölkə rəhbərliyinin iştirakı ilə açılışı həyata keçirilən “INNOLAND” Mərkəzində bu günə kimi formalaşdırılan imkanlardan bütün ekosistem oyunçuları bərabər şəkildə istifadə edə bilərlər.
 
Görüşdə ölkəmizdə innovativ ideyaların təşviqi, startap mühitinin inkişafı, əlverişli qanunvericilik və maliyyələşmə mexanizimlərinin tətbiqi ilə bağlı fikir mübadiləsi aparılıb.
 
Ekosistem oyunçuları innovativ texnologiyalar sahəsində mümkün perspektivləri və yeni çağırışları da müzakirə ediblər. Onlar bu cür formatda görüşlərin keçirilməsinin və yaxşı təcrübələrin bölüşülməsinin əhəmiyyətini  vurğulayıblar.  
 
Həmçinin gələcək planlar və əməkdaşlıqlar barədə danışılıb, bir sıra qərarlar qəbul olunub.

Ətraflı oxu
innoland news image

“Taskool” və “Main Team Organization” arasında əməkdaşlıq memorandumu imzalanıb

“Taskool” və “Main Team Organization” arasında əməkdaşlıq memorandumu imzalanıb
 
INNOLAND rezidenti “Taskool” və ABŞ-da fəaliyyət göstərən “Main Team Organization” LLC arasında əməkdaşlıq memorandumu imzalanıb. Əməkdaşlıq çərçivəsində tərəflər “SciTech Science & Technology Olympiad” layihəsinin beynəlxalq “Grand Final” mərhələsinin hazırlanması və keçirilməsi istiqamətində birgə fəaliyyət göstərəcəklər. Nyu-Yorkda keçiriləcək finalın təşkilati proseslərinin koordinasiyası, tədbirin keçirilməsi və qaliblərin mükafatlandırılması da əməkdaşlığın əsas istiqamətləri sırasındadır.
“SciTech Science & Technology Olympiad” elm və texnologiyaya maraq göstərən məktəblilərə bilik və bacarıqlarını beynəlxalq səviyyədə nümayiş etdirmək imkanı yaradan platformadır.
Ətraflı oxu
innoland news image

"INNOLAND" rezidentləri beynəlxalq proqrama qəbul edilib

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzinin 5 rezidenti Türkiyədə fəaliyyət göstərən "ITU Magnet" Akselerasiya proqramına qəbul edilib.

Hazırda İstanbul Texniki Universiteti Türkiyədə startap müraciətlərinin sayına görə ilk yerdədir. Müvafiq sahədə ölkənin ən nüfuzlu proqramlarının təşəbbüskarı və icraçısı olan Universitet hər il müxtəlif ölkələrin startaplarına dəstək məqsədilə də qəbul elan edir. Bu il ilk dəfə Azərbaycan startapları da dəyərləndirilib. Nəticədə hər biri "INNOLAND" İnkubasiya və Akselerasiya Mərkəzinin startapı olan "Topla.az", "Otaqyoldaşı","QReact", "Botbox" və "Nextsale" "ITU Magnet" Akselerasiya proqramına qəbul olunub.

Ətraflı oxu