3-cü “YAŞAT” düşərgəsinin 4-cü həftəsinə start verilib
3-cü “YAŞAT” düşərgəsinin 4-cü həftəsinə start verilib
3-cü “YAŞAT” düşərgəsinin 4-cü həftəsinə start verilib
8 Avqust, 2023

3-cü “YAŞAT” düşərgəsinin 4-cü həftəsinə start verilib

3-cü “YAŞAT” düşərgəsinin 4-cü həftəsinə start verilib.

Düşərgədə “INNOLAND” İnkubasiya və Akselerasiya Mərkəzi tərəfindən komanda ilə iş, innovativ düşüncə mövzusunda təlim proqramı baş tutub.

2 hissədən ibarət olan proqramın 1-ci hissəsində uşaqlara "İdeya və innovasiya nədir?", "İnnovativ ideyanın biznesə çevrilməsi" mövzuları haqqında məlumat verilib. 2-ci hissədə uşaqların innovativ düşüncələrinin artırılması məqsədilə yarışma keçirilib. Uşaqlar onlara verilmiş problem üzrə həll yolları hazırlayıblar.

Ətraflı oxu

Digər xəbərlər

innoland news image

“INNOLAND”də "Süni zəka" mövzusunda görüş baş tutacaq

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzində "Süni zəka" mövzusunda görüş baş tutacaq. Görüş “SUP Akselerator”unun ənənəvi #SUPTalks tədbiri daxilində keçiriləcək. Görüşdə spiker qismində çıxış edəcək Nərgiz Məmmədova süni zəka, onun imkanları və gələcəyə təsirindən danışacaq.

Nərgiz Məmmədova Kanadanın Toronto şəhərində yaşayan texnoloqdur. Sahibkarlığa marağı onun təşəbbüskar ailəsindən gəlir. İndiyə kimi media, reklam və texnologiya sahələrində müxtəlif startaplara dəstək verib. O, həmçinin texnologiya ilə immiqrasiya məsələlərini həll etməyə yönəlmiş "Destin AI" startapının qurucusudur. Nərgiz 3 ölkədə - İsveçrə, Yaponiya və Kanadada idarəetmə təhsili almış və Beynəlxalq Biznes Magistr dərəcəsinə sahibdir.

Tədbir 19 dekabr saat 19.00-da keçiriləcəkdir.

Tədbirə qatılmaq üçün: https://www.facebook.com/events/751487891926718/

Ətraflı oxu
innoland news image

"INNOLAND"də kibertəhlükəsizlik mövzusunda görüş keçiriləcək

Kibertəhlükəsizlik həftəsi çərçivəsində kiber startapların təşviqi məqsədi ilə "INNOLAND" İnkubasiya və Akselerasiya Mərkəzində Nəqliyyat, Rabitə və Yüksək Texnologiyalar Nazirliyinin təşəbbüsü ilə Kibertech startapçıları və kibertəhlükəsizlik üzrə ekspertlər ilə görüş keçiriləcək. 

3 mart saat 16:00-da baş tutacaq görüşdə spiker qismində Guy Zbarsky, Toğrul Səmədov, Rəşad Əliyev və Rauf Quliyev çıxış edəcək.

Ətraflı oxu
innoland news image

"INNOLAND"in Şəkidə fəaliyyətə başlayacaq yeni mərkəzində İnkubasiya proqramının ilkin seçimlərinə başlanıldı!

“INNOLAND”in Şəkidə fəaliyyətə başlayacaq yeni mərkəzində 1-ci inkubasiya proqramına seçim turları başlayır. Seçimlərdən uğurla keçən iştirakçılar 1 həftə ərzində təlim və yarışlarda iştirak edəcəklər. Proqram 22-26 iyul tarixlərində keçiriləcək. 

Tədbirin ilk 2 günü iştirakçılar əsas təşəbbüskarlıq anlayışları ilə tanış olacaqlar. Növbəti 3 gün ərzində  keçiriləcək “Hackathon” zamanı əldə etdikləri bilikləri tətbiq etməyə çalışacaqlar.

Tədbirin ümumi planı:

1ci gün: Ümumi təlim

●         Startap nədir?

●         Startap ideyasını necə formalaşdırmaq olar?

●         Bazar araşdırması

●         Startapın yaratdığı dəyər

 

2-ci gün: Ümumi təlim

●         Biznes model strukturu: biznes modeli, biznes plan

●         “Lean” metodologiyası

●         Təqdimat

 

3-cü gün: “Hackathon” və spikerlərin çıxışı

●         “INNOLAND”in rezidentləri öz təcrübələrini paylaşacaq.

●         “Hackathon” başlayacaq və komanda formalaşması üçün münsiflər tərəfindən ən yaxşı 5-6 ideya seçiləcək.

 

4-cü gün: Komanda işi və mentorluq

 

●         Seçilən komandalar mentorların dəstəyi ilə öz ideyaları üzərində işləyəcəklər.

 

5-ci gün: Komanda işi, final günü təqdimatı, qalibin elan edilməsi

 

●         Günün 1-ci yarısı: komanda işi davam edəcək.

●         Günün 2-ci yarısı: Ən yaxşı 3 ideyanın seçilməsi üçün komandalar münsiflərin qarşısında təqdimat edəcəklər.

Sonda qalib komandalar "INNOLAND"in Şəki filialında 6 aylıq inkubasiya proqramı keçmək haqqı qazanacaqlar! Bununla yanaşı qalib komandalara dəyərli hədiyyələr təqdim ediləcək!

Seçim kriteriyaları:

  1. İştirakçılar 18 yaşdan yuxarı olmalı
  2. Başlanğıc səviyyəsində ingilis dili biliklərinə sahib olmalı

Qeydiyyat forumu: http://bit.ly/2MWFSQX

Ətraflı oxu