Maliyyə Bazarlarına Nəzarət Palatasının dəstəyilə Bank Respublika və “INNOLAND” fintex-startaplar üçün innovativ layihəyə başlayır
15 Avqust, 2019

Maliyyə Bazarlarına Nəzarət Palatasının dəstəyilə Bank Respublika və “INNOLAND” fintex-startaplar üçün innovativ layihəyə başlayır

“Bank Respublika” ASC və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “INNOLAND” İnkubasiya və Akselerasiya Mərkəzi, Azərbaycan Respublikası Maliyyə Bazarlarına Nəzarət Palatasının dəstəyi ilə ölkədə ilk dəfə olaraq fintex-startuplar üçün “Open Banking Lab” layihəsinə başlayır. 16 həftə davam edəcək layihə çərçivəsində fintex-startapçılar fərdi və ya komanda şəklində öz ideyalarını təqdim edə biləcəklər. İlkin seçmə mərhələləsini keçən fintex-startuplar inkubasiya proqramında iştirak edərək qabaqcıl ekspertlərin iştirakı ilə təlim keçə biləcəklər. Eyni zamanda, fərqlənən iştirakçılara ölkədə ilk dəfə olaraq “Bank Respublika” ASC-nin maliyyə xidmətlərinə qoşulmaq üçün test rejimində olan Açıq API interfeysinə çıxış veriləcəkdir.

Açıq API (Open API) - müştərilərə bank xidmətlərini bankdankənar servislər, məsələn, ödəniş platformaları və ya onlayn kredit platformaları vasitəsilə əldə etmək imkanı verən bir mexanizmdir. Açıq API vasitəsilə developerlər bank müştəriləri üçün müştəri yönümlü və onların ehtiyaclarını qarşılayan proqram və xidmətlər yarada biləcəklər.

Maliyyə Bazarlarına Nəzarət Palatasının dəstəyi ilə “Bank Respublika” ASC tərəfindən ölkədə ilk dəfə olaraq test rejimində Açıq API laiyhəsinin bu cür təqdim edilməsi banklarla fintexlər arasında qarşılıqlı əməkdaşlığın möhkəmlənməsi, qabaqcıl beynəlxalq təcrübənin ölkəmizdə tətbiqi imkanlarının qiymətləndirilməsi baxımından mühüm əhəmiyyət kəsb edir.

Ətraflı oxu

Digər xəbərlər

innoland news image

"Qarabağ və Şərqi Zəngəzurda Sərmayə İmkanları forumu"

Tərəfdaşı olduğumuz "Qarabağ və Şərqi Zəngəzurda Sərmayə İmkanları forumu" çərçivəsində keçirilən "Qarabağ Greentech" hakatonunun iştirakçılarına "INNOLAND" İnkubasiya və Akselerasiya Mərkəzi tərəfindən təlim keçirildi.

Təlimdə iştirakçılara:

İdeya generasiyası

Startap ekosistemi - ənənəvi biznesdən fərqlər

Təqdimat bacarıqları - Nə? Harada? Nə zaman? mövzularında məlumatlar verildi.

Ətraflı oxu
innoland news image

“DMZ”in nümayəndə heyəti “INNOLAND”də

Kanadanın ən böyük inkubasiya mərkəzlərindən biri olan “DMZ”in nümayəndə heyəti “INNOLAND” İnkubasiya və Akselerasiya Mərkəzi ilə tanış olub. Qonaqlara “INNOLAND”in yaradılması və fəaliyyət məqsədləri, mərkəzdə yerləşən Kovörkinq, İnkubasiya, Akselerasiya, İT Təlim-Tədris Mərkəzinin fəaliyyəti və startaplarla bağlı ətraflı məlumat verilib .

“DMZ”in nümayəndə heyəti “INNOLAND”də fəaliyyət göstərən “SUMAKS”ın laboratoriyası ilə tanış olublar. Qonaqlara “SUMAKS”ın yerli texnologiya məhsullarının istehsalı ilə məşğul olduğu və “INNOLAND”in rezidentləri üçün ilkin prototiplərin hazırlanmasında dəstək olduğu bildirilib.

Daha sonra qonaqlar “INNOLAND”də yerləşən digər startaplarla öz təcrübələrini bölüşüblər.  

“INNOLAND” İnkubasiya və Akselerasiya Mərkəzinin fəaliyyəti ilə tanış olan nümayəndə heyəti mərkəzə və əməkdaşlara gələcək fəaliyyətlərində uğurlar  arzulayıb.

Ətraflı oxu
innoland news image

Pandemiya dövründə qadın təşəbbüskarların fəaliyyəti mövzusunda görüş keçiriləcək

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "INNOLAND" İnkubasiya və Akselerasiya Mərkəzinin təşkilatçılığı ilə 12 iyun tarixində “Startup Grind - Ganja” tədbiri baş tutacaq.

Görüşdə “Mogan Hotel Baku"nun satış və marketing direktoru Həvva Səfərova, "Femigrants"ın qurucusu Aytəkin Əliyeva, "Destin AI"ın həmtəsisçisi Nərgiz Məmmədova  startapının təsisçisi çıxış edəcək. Onlar “Pandemiya dövründə qadın təşəbbüskarların fəaliyyəti” mövzusunda öz təcrübələrini, məsləhətlərini paylaşacaq.

Moderator "INNOLAND"in direktoru Məmməd Kərim olacaq.

"Startup Grind" startaplar, təsisçilər, ixtiraçılar üçün yaradılmış dünyanın ən böyük icmalarından biridir. Tədbirin məqsədi həmfikir insanları bir araya gətirmək, öyrənmək, öyrətmək, kömək etməkdir. 2019-cu ildən başladılan tədbir mütəxəssislərin öz təcrübələrini paylaşdığı ənənəvi hərəkat halını alıb. 

Tədbir “Facebook – live“ vasitəsilə baş tutacaq. 

Ətraflı oxu